فیڈرل بورڈ آف ریونیو (ایف بی آر) کی جانب سے نان فائلرز کے خلاف کارروائی کے مثبت اثرات آنا شروع ہوگئے، اب تک 7 ہزار 167 افراد کی موبائل سمز بحال کردی گئیں۔
ایف بی آر کی جانب سے نان فائلرز کے خلاف کارروائی کے مثبت اثرات سامنے آنے لگے ہیں۔
ایف بی آر ذرائع کے مطابق اب تک 7 ہزار 167 افراد کی موبائل سمز بحال کردی گئی ہیں، مذکورہ افراد کی سمز ٹیکس گوشوارے جمع کروانے پر بحال کی گئیں۔
ذرائع کا کہنا ہےکہ اب تک 65 ہزار نان فائلرز کا ڈیٹا ٹیلی کام کمپنیوں سے شیئرکیا گیا، ٹیلی کام کمپینوں کو نان فائلرزکی موبائل سمز بلاک کرنے کی ہدایت کی گئی۔
ذرائع کے مطابق مجموعی طور پر 5 لاکھ 6 ہزار 671 نان فائلرز کی فہرست تیارکی گئی تھی۔
خیال رہے کہ انکم ٹیکس جنرل آرڈر کے تحت ان افراد کی سمز بتدریج بند کرنےکا فیصلہ ہوا تھا۔
