ناظم آباد پولیس نے انڈر پاس میں اسٹریٹ کرائم کی ڈیڑھ سو وارداتیں کرنے والا ملزم پکڑلیا۔ گرفتار ملزم کا ویڈیو بیان آج ٹی وی نے حاصل کرلیا۔
تین دن قبل ناظم آباد انڈر پاس میں لوٹ مار کے دوران ڈاکو ارسلان ہلاک ہوگیا تھا۔ لوٹ مار کرنے والوں پر شہری نے فائرنگ کردی تھی۔
واردات کے دوران ڈاکو کی ہلاکت پر اس کا ساتھ بھاگ گیا تھا جو اب دھر لیا گیا ہے۔ پولیس کے مطابق پکڑے جانے والے ملزم نے ویڈیو بیان میں اسٹریٹ کرائم کی ڈیڑھ سو سے زائد وارداتوں کا اعتراف کیا ہے۔
