گورنر سندھ کامران ٹیسوری کی تبدیلی کا فیصلہ کرلیا گیا۔
ذرائع نے دعویٰ کیا ہے کہ آئندہ چند دنوں میں نیا گورنر آجائے گا، تعلق ن لیگ سے ہی ہوگا۔
ممکنہ طور پر نیا گورنر سندھ کون ہوسکتا ہے ، اس حوالے سے ذرائع کا کہنا ہے لیگی رہنما بشیر میمن کا نام زیر گردش ہے۔
ذرائع کے مطابق گورنر سندھ کو تبدیل کرنے کے معاملے پر پیپلزپارٹی اور مسلم لیگ ن میں اتفاق رائے ہوگیا ہے۔
واضح رہے کہ چند ہفتے قبل وزیر بلدیات سندھ سعید غنی نے بھی سندھ میں گورنر کی تبدیلی کا عندیہ دیتے ہوئے کہا تھا کہ ن لیگ سندھ میں گورنر نہیں لگاتی تو پیپلزپارٹی گورنرکا نام دے گی۔
دوران پریس کانفرنس انہوں نے کہا تھا کہ خواہش تھی گورنر سندھ پیپلزپارٹی کا ہو لیکن مسلم لیگ ن نے کہا کہ گورنر ان کی جماعت کا ہو گا۔
