اسلام آباد: انسداد منشیات عدالت نے منشیات اسمگلنگ کے جرم میں ملوث میاں بیوی کو 20 اور 12 سال قید کی سزائیں سنائیں، جبکہ تیسرے ملزم کو 9 سال قید کی سزا دی۔ اس کے علاوہ، تمام ملزمان پر 12 لاکھ روپے کا جرمانہ بھی عائد کیا گیا۔
یہ کیس انسداد منشیات عدالت کے جج راجہ جواد عباس حسن کی نگرانی میں سماعت کیا گیا۔ اے این ایف نے گزشتہ سال مبشر حسین، رحمان اقبال اور مسماۃ زاہدہ سے 71.5 کلو افیون برآمد کی تھی۔
عدالت نے مبشر حسین کو 20 سال قید اور 8 لاکھ روپے جرمانے کی سزا سنائی، رحمان اقبال کو 9 سال قید اور ایک لاکھ روپے جرمانہ عائد کیا، جبکہ خاتون ملزمہ زاہدہ پروین کو 12 سال قید اور 3 لاکھ روپے جرمانے کی سزا دی۔
پراسیکیوٹر فہد ملک کے مطابق، یہ تین رکنی گروہ افیون اسمگل کرنے کی کوشش کر رہا تھا، جس کی تصدیق لیبارٹری کی رپورٹ سے ہوئی۔ گروہ کی گاڑی بھی قبضے میں لے لی گئی، اور ملزمان نے منشیات اسمگل کرنے کے الزام کو تسلیم کیا۔
