پاکستان کرکٹ ٹیم نے جنوبی افریقا کے خلاف تین میچز کی ٹی ٹوئنٹی سیریز کے دوسرے میچ کے لیے اسکواڈ کا اعلان کر دیا ہے۔ یہ میچ آج سپر اسپورٹ پارک میں کھیلا جائے گا۔
دوسرے ٹی ٹوئنٹی کے لیے قومی ٹیم میں ایک تبدیلی کی گئی ہے۔ اسپنر سفیان مقیم کی جگہ فاسٹ بولر جہانداد خان کو اسکواڈ میں شامل کیا گیا ہے۔
پاکستان کی ٹیم میں کپتان محمد رضوان، بابر اعظم، صائم ایوب، عثمان خان، طیب طاہر، محمد عرفان خان نیازی، عباس آفریدی، شاہین شاہ آفریدی، حارث راؤف، جہانداد خان اور ابرار احمد شامل ہیں۔
پاکستان اور جنوبی افریقا کے درمیان یہ میچ پاکستانی وقت کے مطابق رات 9 بجے شروع ہوگا۔ جنوبی افریقا کو اس وقت سیریز میں 1-0 کی برتری حاصل ہے۔
