جنوبی افریقا نے پاکستان کیخلاف ٹاس جیت کر پہلے بیٹنگ کا فیصلہ کیا ہے۔
دونوں ٹیموں کے درمیان پہلا ایک روزہ میچ پرل میں کھیلا جارہا ہے،میچ کیلئے پاکستان نے پلئینگ الیون کا اعلان بھی کردیا ہے۔
محمد رضوان ٹیم کی قیادت کریں گے، جبکہ صائم ایوب، عبداللہ شفیق ، کامران غلام ،بابر اعظم، سلمان علی آغا،محمد عرفان خان، شاہین شاہ آفریدی، نسیم شاہ، حارث رئوف اور ابرار احمد بٹ ٹیم کا حصہ ہیں۔
دونوں ٹیموں کے درمیان تین ون ڈے میچوں کی سیریز کا دوسرا ون ڈے میچ 19 دسمبر کو سپر سپورٹس پارک، سنچورین جبکہ تیسرا اور آخری ون ڈے میچ 22 دسمبر کو وانڈررز سٹیڈیم، جوہانسبرگ میں کھیلا جائے گا۔
ون ڈے سیریز کے تینوں میچز ڈے اینڈ نائٹ ہوں گے، دونوں ملکوں کے درمیان دو ٹیسٹ میچ بھی کھیلے جائیں گے، پہلا ٹیسٹ میچ 26 سے شروع ہو گا جبکہ آخری ٹیسٹ میچ 3 جنوری سے کھیلا جائے گا۔
