171

کورین ڈائریکٹر نے کانز فلم فیسٹیول کا اعلیٰ ترین اعزاز جیت لیا

کانز: جنوبی کوریا کے ڈائریکٹر بونگ جون و نے فلم ' پیراسائٹ' کے لیے کانز فلم فیسٹیول کا اعلیٰ ترین اعزاز 'پام ڈور' جیت لیا۔

پیراسائٹ، طنز و مزاح سے بھرپور فلم ہے جس کی کہانی دولت مند خاندان میں ملازمت حاصل کرنے والے غریب خاندان پر مبنی ہے۔

یہ اعزاز حاصل کرنے کے بعد ' پیراسائٹ ' پالم دی اور ایوارڈ حاصل کرنے والی پہلی کورین فلم بن گئی ہے۔

عالمی میلے کی اختتامی تقریب میں جیوری کے صدر الیجاندرو اناریتو نے کہا کہ 9 افراد پر مشتمل جیوری نے اتفاق رائے سے یہ فلم منتخب کی تھی۔

سنو پائرسر اور اوکجا کے ڈائریکٹر کی جان سے اب تک کی بہترین فلم تھی جس پر رواں برس کانز میں بھر پور پذیرائی حاصل کی۔

خیال رہے کہ کانز فلم فیسٹیول میں ایشیائی ڈائریکٹر کی یہ لگاتار دوسری کامیابی ہے، گزشتہ برس جاپان فلم ساز ہیروکازو کور-ایڈا کی فلم ' شاپ فلٹرز' نے یہ ایوارڈ اپنے نام کیا تھا۔

دو سال قبل بونگ جون-ہو کی فلم اوکجا کانز کے مقابلے میں نامزد کی گئی تھی، یہ فلم شمالی امریکا میں نیٹ فلیکس نے ڈسٹری بیوٹ کی تھی۔

اس کے بعد نیٹ فلیکس کی جانب سے ریلیز کی گئی ایک اور فلم نوح باؤم باچ کی فلم ' دی میرووٹز اسٹوریز ' نے کانز میں پذیرائی حاصل کی تھی۔

بعد ازاں کانز نے مقابلے میں شریک تمام فلموں کے لیے فرنچ تھیٹریکل ڈسٹری بیوشن لازمی قرار دیا تھا اس وجہ سے نیٹ فلیکس مقابلے سے دستبردار ہوگیا ہے۔

مقابلےکا دوسرا اہم اعزاز، دی گرینڈ پرائز سینیگال نژاد فرانسیسی ڈائریکٹر میٹی ڈیوپ کی فلم ' اٹلانٹکس ' نے حاصل کیا۔

خیال رہے کہ میٹی ڈیوپ کانز مقابلے کی دوڑ میں شامل ہونے والی پہلی سیاہ فام خاتون ڈائریکٹر ہیں۔

بیلجیئم سے تعلق رکھنے والے دو بھائیوں جین پائیر اور لک ڈارڈین نے ' ینگ احمد' کے لیے بہترین ڈائریکٹر کا ایوارڈ حاصل کیا۔

انتونیو باندیرس نے ' پین اینڈ گلوری ' کے لیے بہترین اداکار کا ایوارڈ حاصل کیا جبکہ برطانوی اداکارہ ایمیلی بیچم نے ' لٹل جوئے' پر بہترین اداکارہ کا اعزاز اپنے نام کیا۔

تاہم کچھ کی جانب بونگ جون-ہو کو بہترین ڈائریکٹر کا ایوارڈ دیے جانے تنقید کی گئی، بعض افراد کو امید تھی کہ کانز دوسری مرتبہ خاتون فلم ساز کو پام ڈور ایوارڈ دے کر تاریخ رقم کرے گا۔

سیلین اسکیاما کی فلم ' پورٹریٹ آف اے لیڈی آن فائر' بھی پام ڈور ایوارڈ کی دوڑ میں شامل تھی تاہم اس فلم نے بیسٹ اسکرین پلے کا اعزاز حاصل کیا۔