کراچی: اسٹیٹ بینک آف پاکستان نے بھارتی زی فائیو کی ادائیگیوں پر پابندی لگادی جس کا مراسلہ بھی جاری کردیا گیا۔
تفصیلات کے مطابق اسٹیٹ بینک آف پاکستان نے زی فائیو پر پاکستان سے ادائیگیوں پر پابندی لگادی، اسٹیٹ بینک نے کابینہ ڈویژن کے خط پر سرکلر جاری کردیا۔
اسٹیٹ بینک کی جانب سے جاری کردہ مراسلے میں کہا گیا ہے کہ زی فائیو کے لیے ہر قسم کی ادائیگی پر تمام بینکس فوری پابندی لگائیں۔
مراسلے کے مطابق بھارت زی فائیو کے ذریعے پاکستان مخالف پراپیگنڈے میں سرگرم ہے۔
ذرائع کے مطابق تمام بینکس کو ہدایت کی گئی ہے کہ وہ زی فائیو کے ذریعے کی جانے والی ادائیگیوں کو روک کر 13 نومبر تک تمام تفصیلات سے اسٹیٹ بینک کو آگاہ کریں۔
