باچا خان انٹرنیشنل ائیر پورٹ پر جدید ترین سینٹی ٹائزر مشینیں نصب کرنیکی منظوری
پشاور: عالمی ادارہ صحت نے کورونا وائرس کے باعث باچا خان انٹرنیشنل ائیر پورٹ پر جدید ترین سینٹی ٹائزر مشینیں نصب کرنے کی منظوری دیدی ہے۔
کورونا کی دوسری لہر کے دوران ایس او پیز کا جائزہ لینے کے لئے عالمی ادارہ صحت کی ٹیم نے ڈاکٹر مظہر کی قیادت میں گزشتہ روز باچا خان انٹرنیشنل ائیر پورٹ کا دورہ کیا اور ایس او پیز پر عمل درآمد کے حوالے سے اطمینان کا اظہار کیا۔ائیر پورٹ کے مختلف سیکشنوں کے دورے بھی کئے۔
عالمی ادارہ صحت نے باچا خان انٹرنیشنل ائیر پورٹ کے لئے جدید سینٹی ٹائزر مشینیں تحفے میں دی ہیں یہ مشینیں ائیر پورٹ پر نصب کردی جائیں گی۔
