پاکستان نے بھارتی میڈیا کے ان دعوؤں کو مسترد کر دیا ہے، جن میں کہا گیا تھا کہ آپریشن "بنیان مرصوص" میں شاہین میزائل استعمال کیا گیا تھا.
ترجمان دفتر خارجہ نے وضاحت کی کہ بھارتی فوج کے آفیشل ٹوئٹر اکاؤنٹ پر ایک ویڈیو جاری کی گئی تھی، جس میں پاکستان پر شاہین میزائل کے استعمال کا الزام لگایا گیا تھا۔ تاہم، بھارتی فوج نے بعد میں یہ ویڈیو حذف کر دی، لیکن تب تک بھارتی میڈیا کے کچھ حلقے اس دعوے کو بغیر تصدیق کے پھیلا چکے تھے.
دفتر خارجہ کے بیان میں کہا گیا کہ یہ پروپیگنڈا بھارت کی "آپریشن سندور" میں ناکامیوں سے توجہ ہٹانے کی کوشش ہے، اور پاکستان کی روایتی فوجی صلاحیتوں نے واضح برتری حاصل کی ہے.
پاکستان کی جانب سے استعمال کیے گئے ہتھیاروں کی تفصیلات آئی ایس پی آر کی 12 مئی کی پریس ریلیز میں دی گئی ہیں، جن میں فَتح سیریز F1 اور F2 میزائل، لانگ رینج لوئٹرنگ کِلر ڈرونز، اور ہائی پریسیژن طویل فاصلے کی توپیں شامل ہیں.
ترجمان دفتر خارجہ نے کہا کہ غیر مصدقہ اور اشتعال انگیز مواد کی اشاعت نہ صرف علاقائی استحکام کے لیے نقصان دہ ہے بلکہ سرکاری اداروں کی پیشہ وارانہ ساکھ پر بھی سوال اٹھاتی ہے
