بین الاقوامی کرکٹ کونسل (آئی سی سی) کا 6 رکنی وفد چیمپئنز ٹرافی کے انتظامات کا جائزہ لینے آئندہ ہفتے پاکستان کا دورہ کرے گا۔
ذرائع کا کہنا ہے کہ وفد کی پاکستان آمد اور مصروفیات کا شیڈول دو سے تین روز میں طے ہوجائے گا، وفد چیمپئنز ٹرافی کے لیے مجوزہ وینیوز کا معائنہ کرے گا۔
اس حوالے سے ذرائع نے بتایا کہ وفد ٹیموں کے پریکٹس میچز، ٹکٹنگ سمیت دوسرے اہم ایشوز پر پی سی بی حکام سے ملاقاتیں کرے گا۔
وفد ارکان میں مختلف شعبوں کے سربراہان اور نمائندے شامل ہوں گے۔ اس سے قبل آئی سی سی کے پچ کنسلٹنٹ، سکیورٹی ہیڈ اور ایونٹس کے لوگ تین دورے کر چکے ہیں۔
