بالی ووڈ کی اداکارہ پرینیتی چوپڑا کا کہنا ہے کہ فلم انڈسٹری میں بہت سے کیمپ بنے ہوئے ہیں جس میں پسندیدہ لوگوں کو ہی کام دیا جاتا ہے۔
اپنے حالیہ انٹرویو میں اداکارہ نے فلم انڈسٹری سے متعلق کھل کر بات چیت کرتے ہوئے کہا کہ انڈسٹری میں بہت سے کیمپس اور حلقے بنے ہوئے ہیں۔
اگر ایک کام کیلئے دو لوگ ہیں اور دونوں ہی باصلاحیت ہیں جن میں سے ایک پسندیدہ ہوگا اور دوسرا نہیں ہوگا، جو پسندیدہ نہیں ہے وہ کام کا موقع کھودے گا۔
پرینیتی چوپڑا نے کہا کہ انڈسٹری میں میرٹ کو ترجیح دی جائے، اگر مجھ میں ٹیلنٹ ہے اور میں بھی فلم میں بزنس دینے کے لائق ہوں تو مجھے بھی موقع ملنا چاہیے اور اسے ضائع نہیں کرنا چاہیے، کیونکہ میرا کوئی رشتہ دار انڈسٹری میں نہیں ہے یا پھر میں آپ کے کیمپ میں نہیں ہوں۔
