وزیر اعظم شہباز شریف نے کہا ہے کہ عقیدہ ختم نبوت ﷺ ہمارا ایمان اور جان ہے جس پر سب کچھ قربان ہے۔
سماجی رابطے کی ویب سائیٹ ”ایکس“ پر اپنے پیغام میں شہباز شریف نے لکھا کہ ’الحمداللہ، آج تحفظ ختم نبوت ﷺکو پارلیمنٹ کی متفقہ تاریخی قرارداد کی منظوری کو پچاس سال مکمل ہوگئے، اس پر پوری قوم کو مبارک پیش کرتا ہوں۔
وزیر اعظم نے مزید کہا کہ 7 ستمبر 1974 کو پاکستان کی پارلیمنٹ نے تحفظ ناموس رسالت ﷺ کا حق ادا کیا، تحریک کو پیش کرنے والے ارکان پارلیمان اور علماء کرام کو خراج عقیدت پیش کرتا ہوں۔
