امریکا کی ایک عدالت نے 32 سالہ اسکول ٹیچر میلیزا کرٹس کو نابالغ طالب علم سے جنسی تعلق استوار کرنے پر 30 سال قید کی سزا سنائی ہے۔ مونٹگمری کاؤنٹی کی اسکول ٹیچر نے 2015 میں جنوری تا مئی طالب علم سے کئی بار جنسی تعلق استوار کیا۔
طالب علم نے 2023 میں پولیس کو رپورٹ درج کرائی تھی جس پر ٹیچر کو نومبر میں گرفتار کیا گیا۔ تفتیش کے دوران سابق اسکول ٹیچر نے رواں برس جون میں کم از کم تین بار جنسی تعلق استوار کرنے کا اعتراف کیا تھا۔
عدالت نے میلیزا کرٹس کو ایک برس کی معطلی کے ساتھ 30 سال قید کی سزا سنائی ہے اور رہائی کے بعد بھی پانچ سال تک اُس کی نگرانی کی جاتی رہے گی۔
