امریکی ریاست ایریزونا میں ایئر پورٹ پر فضا میں 2 چھوٹے طیارے آپس میں ٹکرا گئے۔
امریکی نیشنل ٹرانسپورٹیشن سیفٹی بورڈ کی ابتدائی اطلاعات کے مطابق دو چھوٹے طیارے سیسنا 172S اورLancair 360 MK II بدھ کی صبح ایک رن وے کے قریب ایک دوسرے سے ٹکرا گئے۔
غیر ملکی میڈیا کے مطابق اس طیارہ حادثے میں 2 افراد ہلاک ہو گئے، دونوں چھوٹے طیارے ایک انجن پر مشتمل تھے۔
رپورٹ کے مطابق دونوں جہازوں میں دو دو افراد سوار تھے، زخمیوں کی حالت کے بارے میں اطلاعات سامنے نہیں آئی ہیں۔
میڈیا رپورٹس کے مطابق ہلاک ہونے والوں کی شناخت فوری طور پر سامنے نہ آسکیں جبکہ حادثے کی تحقیقات شروع کر دی گئی ہیں۔
واضح رہے اس سے قبل امریکہ میں کئی طیارہ حادثے رونما ہوئے جن میں متعدد افراد ہلاک ہوئے۔
