واشنگٹن ڈی سی – 15 مئی 2025 کو، سابق ایف بی آئی ڈائریکٹر جیمز کومی کی ایک سوشل میڈیا پوسٹ نے کافی تشویش پیدا کر دی ہے، جس کے بعد ایف بی آئی ٓ نے فوراً کارروائی کی۔ انسٹاگرام پر کی گئی اس پوسٹ کوجیمز کومی نے بعد میں ہٹا دیا، جس میں سمندری سیپوں پر "86 47" لکھا ہوا تھا۔ یہ ایک ایسا پیغام تھا جسے بہت سے لوگوں نے صدر ڈونلڈ ٹرمپ کے خلاف ایک قتل کی دھمکی سمجھا۔ یہاں "86" ایک عام اصطلاح ہے جو قانون نافذ کرنے والے اداروں اور فوجی حلقوں میں "ختم کرنے" یا "قتل کرنے" کے معنی میں استعمال ہوتی ہے، جبکہ "47" کا مطلب ہے کہ ٹرمپ 47ویں امریکی صدر ہیں۔
ایف بی آئی، جس کی قیادت ڈائریکٹر کاش پٹیل کر رہے ہیں، نے تصدیق کی ہے کہ وہ اس معاملے کی تحقیقات کے لیے سیکریٹ سروس کے ساتھ مل کر کام کر رہی ہے، پٹیل نے یہ بھی کہا کہ ایجنسی صدر کی حفاظت کو یقینی بنانے کے لیے مکمل تعاون فراہم کرے گی۔ وائٹ ہاؤس کی ڈپٹی چیف آف اسٹاف نٹالی کوئلین اور رچرڈ گرینیل نے بھی اس سنگین خطرے پر گہری تشویش کا اظہار کیا ہے، خاص طور پر جب ٹرمپ بیرون ملک ہیں، جس سے ان کی زندگی کو لاحق خطرے کی شدت واضح ہوتی ہے۔ #Trump #fbi #Trumpassasinationplot
