امیر جماعت اسلامی حافظ نعیم الرحمٰن نے حکومت کی طرف سے 70 روپے فی لیٹر پیٹرول لیوی کے نفاذ کو سختی سے مسترد کرتے ہوئے فوری طور پر پیٹرول کی قیمتوں میں کمی اور بجلی کے بلوں میں عوام کو ریلیف دینے کا مطالبہ کیا ہے۔
انہوں نے کہا کہ ملک کی معاشی صورتحال دن بدن خراب ہوتی جا رہی ہے اور حکومتی پالیسیوں کی وجہ سے عوام مشکلات کا شکار ہیں۔ ان کا کہنا تھا کہ جب قوم کے مینڈیٹ پر ڈاکا ڈالا جائے تو عوام حکمرانوں کے ساتھ یکجہتی کیسے کر سکتے ہیں؟
حافظ نعیم الرحمٰن نے حکومت پر الزام لگاتے ہوئے کہا کہ جب تک فارم 47 کے مطابق حکومتیں مسلط کی جاتی رہیں گی، ملک میں استحکام نہیں آئے گا۔ انہوں نے کراچی کے سیاسی حالات پر بات کرتے ہوئے کہا کہ وہاں کے لوگ اچھی طرح جانتے ہیں کہ ایم کیو ایم کو جعلی طریقے سے مسلط کیا گیا ہے۔
انہوں نے تعلیم اور صحت کے مسائل پر بھی روشنی ڈالی اور کہا کہ حکومت کا فرض ہے کہ عوام کو معیاری اور سستی تعلیم اور صحت کی سہولیات فراہم کرے۔ لیکن حکمران طبقہ خود کو تعلیم یافتہ ظاہر کرتا ہے، جبکہ عملی طور پر قوم کے بچوں کو جاہل بنانے کی کوشش کر رہا ہے۔
امیر جماعت اسلامی نے مزید کہا کہ ریاست کی ذمہ داری ہے کہ عوام کو بنیادی سہولیات فراہم کرے اور ملک میں امن و امان کو یقینی بنایا جائے، لیکن بدقسمتی سے عوام کو ریلیف دینے کے بجائے
