اسلام آباد: پاکستان نے ایران پر اسرائیلی حملے کی شدید مذمت کرتے ہوئے اسے علاقائی سالمیت اور بین الاقوامی قوانین کی کھلی خلاف ورزی قرار دیا۔
دفتر خارجہ کے ترجمان نے کہا کہ ایران کو اقوام متحدہ کے چارٹر کے آرٹیکل 51 کے تحت دفاع کا مکمل حق حاصل ہے اور عالمی برادری کو فوری طور پر اس جارحیت کو روکنے کے لیے اقدامات کرنے چاہئیں۔
پاکستان نے ایرانی عوام کے ساتھ مکمل یکجہتی کا اظہار کرتے ہوئے اقوام متحدہ پر زور دیا کہ وہ حملہ آور کو جوابدہ بنائے اور عالمی قوانین کی حفاظت کو یقینی بنائے۔
