پاک فوج کے شعبہ تعلقات عامہ (آئی ایس پی آر) کی جانب سے وطن عزیز کے 73ویں جشن آزادی کے موقع پر خصوصی ملی نغمہ جاری کردیا گیا۔
'یوں پاکستن بنا تھا ' کے عنوان سے جاری اس نغمے میں قیامِ پاکستان کی خاطر مسلمانوں کی جدوجہدِ آزادی کو دکھایا گیا ہے۔
اس نغمے میں تحریک پاکستان کے دوران برصغیر کے مسلمانوں کی قربانیوں اور جدوجہد سے متعلق ان کی مستند فوٹیجز دکھائی گئی ہے۔
نغمے کی دھن اور بول کے ذریعے قیام پاکستان میں کردار ادا کرنے والے مسلمانوں اور رہنماؤں کے جذبے کو اجاگر کیا گیا ہے۔
تحریر جاری ہے
آئی ایس پی آر کی جانب سے جاری کیا گیا نغمہ گلوکار ساحر علی بگا نے گایا اور اس کی موسیقی بھی انہوں نے ہی ترتیب دی ہے۔
پاک فوج کی طرح 73ویں جشن آزادی کے موقع پر پاک فضائیہ نے بھی ' میرا جنون' کے عنوان سے نیا ملی نغمہ جاری کیا ہے۔
پاک فضائیہ کے اس ولولہ انگیز نغمے کے شاعر اور گلوکار عمران زیک ہیں جس کی موسیقی اورنگزیب خالدی نے ترتیب دی۔
اس نغمے میں پاکستانی قوم کے عزم و حوصلے کو خوبصورت انداز میں خراجِ تحسین پیش کیا گیا ہے۔
ترجمان پاک فضائیہ کے مطابق یہ نغمہ فضائی سرحدوں کی محافظ پاک فضائیہ کی جانب سے قوم کو یقین دہانی ہے کہ اس کے بہادر بیٹے ملکی سالمیت پر کوئی آنچ نہیں آنے دیں گے۔
اس نغمے میں جذبہ حب الوطنی کے ساتھ ساتھ عالمی وبا کورونا وائرس کے حوالے سے پاک فضائیہ کی امدادی سرگرمیوں کو بھی اجاگر کیا گیا
پرچم پاکستان کا (پاک بحریہ)
علاوہ ازیں پاکستان کے 74ویں یوم آزادی کے موقع پاک بحریہ نے خصوصی ملی نغمہ ' پرچم پاکستان ' کا جاری کیا ہے۔
ترجمان پاک بحریہ کے مطابق یہ نیا نغمہ اہلِ وطن کی پاکستان سے چاہت کی بھرپورعکاسی کرتا ہے، اس نغمے میں اس پاک دھرتی کی رونقوں ،رنگوں اور اس سے جڑی محبتوں کا اظہار بھی کا گیا ہے۔
پاک بجریہ کے اس نغمے میں پرچم کی سربلندی اور حرمت کے لیے قوم کے عزم و حوصلے کو بھی بھرپور طریقے سے اجاگر کیا گیا ہے۔
خیال رہے کہ پاکستان کی تینوں مسلح افواج کی جانب سے مختلف مواقع پر ملی نغمے جاری کیے جاتے رہے ہیں، اس سے قبل 27 فروری کی مناسبت سے بھی پاک فوج اور پاک فضائیہ نے نغمے جاری کیے تھے۔
27 فروری 2019 پاکستان کی تاریخ میں وہ یادگار دن، جس میں پاک فضائیہ کے شاہینوں نے سرحدی حدود کی خلاف ورزی پر بھارت کے 2 طیارے گراکر ان کے پائلٹ ابھی نندن کو گرفتار کیا اور بہادری کی نئی مثال قائم کی
