کوئٹہ۔ سابق سینیٹر حاصل بزنجو کے انتقال کے بعد خالی ہونیوالی نشست بلوچستان عوامی پارٹی نے جیت لی۔
تفصیلات کے مطابق بلوچستان سے سینیٹ کی خالی ہونے والی ایک نشست پر انتخاب مکمل ہو گیا، الیکشن میں چار امیدواروں نے حصہ لیا۔
گزشتہ رات بی این پی ایم کے امیدوار محمد علی جمعیت علما اسلام کے امیدوار کے حق میں دستبردار ہوگئے تھے۔
صوبائی الیکشن کے نتائج کے مطابق پی اے پی کے امیدوار محمد خالد بزنجو 38 ووٹ لے کر سینٹ کی سیٹ کے لئے منتخب ہو گئے۔ جمعیت علما اسلام کے غوث اللہ نے 21 ووٹ لے کر دوسرے نمبر پر رہے۔
الیکشن کمیشن کے مطابق بلوچستان صوبائی اسمبلی کے 64 اراکین میں سے 61 اراکین نے اپنے ووٹ کاسٹ کئے، 61اراکین میں سے 2 ارکین کے ووٹ مسترد قرار پائے گئے۔
آزاد امیدوار منیر احمد بلوچ اور محمد علی نے کوئی ووٹ حاصل نہیں کیا۔
صوبائی اسمبلی کے65 ارکین اسمبلی میں سے فضل آغا کے وفات کی وجہ سے 64 ارکین اسمبلی ووٹ ڈالنے کے اہل تھے۔
