اسلام آباد میں لیڈی ہیلتھ ورکرز اور دوسرے سرکاری ملازمین کے احتجاج کے پیش نظر وفاقی دارالحکومت کے ریڈ زون کو کنٹینرز لگا کر سیل کردیا گیا ہے۔
وفاقی دارالحکومت میں آج ڈیلی ویجزاساتذہ، لیڈی ہیلتھ ورکرز اور کلرک ایسوسی ایشن اپنے مطالبات کے حق میں احتجاج کررہے ہیں، احتجاج کے پیش نظر اسلام آباد انتظامیہ نے ڈی چوک آنے والے تمام راستے بند کر دئیے، مظاہرین کو روکنے کے لیے میریٹ ہوٹل، ڈی چوک، نادراچوک ، سرینا چوک میں کنٹیرز رکھ دئیے گئے ہیں۔ اس کے علاوہ ریڈ زون کے راستوں میں خار دارتاریں اورواٹرکینن اور پریژن وینز بھی پہنچادی گئی ہیں۔
دوسری جانب ڈی سی اسلام آباد نے اسسٹنٹ کمشنر کو ہدایت کی ہے کہ قانون ہاتھ میں لینے والوں پر لاٹھی چارج کیا جائے، ڈی چوک سے آگے جانے کی کوشش پر شیلنگ کی جائے۔
