لاہور:مایہ ناز بلے باز اور وائٹ بال کرکٹ کے کپتان بابر اعظم کو ٹیسٹ ٹیم کا کپتان بنانے کی بھی تجویز دیدی گئی ہے۔
پاکستان کرکٹ بورڈ (پی سی بی) کی کرکٹ کمیٹی نے قومی ٹی ٹوئنٹی اور ایک روزہ ٹیم کے کپتان بابر اعظم کو ٹیسٹ ٹیم کا بھی کپتان بنانے کی تجویز سامنے رکھ دی ہے۔
پی سی بی کرکٹ کمیٹی کی جانب سے وکٹ کیپر محمد رضوان کو ٹیسٹ ٹیم کا نائب کپتان بنائے جانے پر غور کیا جا رہا ہے۔
ذرائع کے مطابق کرکٹ بورڈ اظہر علی کو ٹیسٹ ٹیم کی قیادت سے ہٹانے کا ارادہ کر چکا ہے، ممکنہ طورپر بابر اعظم ہی نئے کپتان ہوں گے۔
ذرائع کا کہنا ہے کہ بابر اعظم ون ڈے اور ٹی ٹوئنٹی ٹیم کے پہلے ہی کپتان ہیں۔ کرکٹ کمیٹی کے ارکان اظہر علی کی کپتانی جاری رکھنے کے حق میں نہیں ہیں۔
