سوشل میڈیا پر وائرل ایک ویڈیو میں قومی ٹیم کے فاسٹ بولر حسن علی اور آل راؤنڈر شاداب خان کی دوستی کی مثال دی گئی ہے،جبکہ ویڈیو میں دیکھا جا سکتا ہے کہ حسن علی اپنے دوست کے ڈرائیوربن گئے اوراس پرکافی خوشی کا اظہار بھی کررہے ہیں۔
اسلام آباد یونائیٹڈ کی جانب سے ٹوئٹر پرایک ویڈیو شئیر کی گئی جس کے کیپشن میں لکھا تھا کہ حسن علی اور شاداب خان کی دوستی کا بھی لیول ہے،ویڈیو میں حسن علی کو سلام کے بعد یہ کہتے بھی سنا جا سکتا ہے کہ کیا آپ مسٹر شاداب خان ہیں، میں آپ کا ڈرائیور ہوں
قومی ٹیم کے بولنگ آل راؤنڈر شاداب خان بگ بیش لیگ سے پی ایس ایل کے لیے واپس آئے تو اسلام آباد یونائیٹڈ کی انتظامیہ نے ان کا ائیرپورٹ پر شاندار استقبال کیا۔
ائیرپورٹ پر اسلام آباد یونائیٹڈ کی انتظامیہ کے علاوہ قومی کھلاڑی اور اسلام آباد یونائیٹڈ کے فاسٹ بولر حسن علی بھی اپنے دوست کو لینے کے لیے موجود تھے۔
حسن علی نے شاداب خان کو ریسیو کرنے لیے ہاتھ میں ایک پیپر بھی اٹھا رکھا تھا جس پر انگریزی میں Mr Shadab Khan تحریر تھا۔
اسلام آباد یونائیٹڈ کی جانب سے بھی ٹوئٹر پر ویڈیو کے ساتھ ایک کیپشن بھی درج کیا گیا جس میں لکھا تھا کہ حسن علی اور شاداب خان کی دوستی کا بھی لیول ہے، ساتھ ہی آنکھوں میں پیار والا ایک ایموجی بھی شیئر کیا گیا ہے۔
ویڈیو میں حسن علی کو سلام کے بعد یہ کہتے بھی سنا جا سکتا ہے کہ کیا آپ مسٹر شاداب خان ہیں، میں آپ کا ڈرائیور ہوں شاداب خان۔
حسن علی شاداب خان کو وطن واپسی پر خوش آمدید کہتے ہیں، دونوں دوست گلے ملتے ہیں اور پھر حسن علی کہتے ہیں کہ چلیں، چلیں۔
