میلبورن:آسٹریلین اوپن میں مینز ڈبلز کے پہلے راونڈ میں پاکستانی ٹینس اسٹار اعصام الحق نے اپنے ساتھی کھلاڑی قازقستان کے الیگزینڈر کے ساتھ مل کر فرانسیسی جوڑی کو شکست دی، نکولس اور فبرئیس مارٹن کے خلاف دو گھٹنے 27 منٹ جاری رہنے والے میچ کا اسکور سات چھ، پانچ سات اور چھ دو رہا۔
اعصام الحق نے اپنی پہلی جیت پر خوشی کا اظہارکرتے ہوئے کہا ہے کہ کسی بھی ٹورنامنٹ میں پہلے میچ میں کامیابی خاص اہمیت رکھتی ہے، نئے سال میں اب تک پرفارمنس کاگراف کافی بہتر جارہاہے، الیگزینڈر کے ساتھ پہلی دفعہ کھیل رہاہوں، میبلورن اوپن میں اچھا کھیلنے کے باوجود فائنل نہیں جیت پائے۔
انہوں نے کہا کہ سڈنی اوپن میں کوارٹر فائنل تک پہنچے، اب آسٹریلین اوپن میں کوشش ہوگی کہ زیادہ سےزیادہ فتوحات سمیت کر پاکستان کا نام روشن کروں، ناک آوٹ میچز میں ہر روز فائنل ہوتاہے اور آپ کو نئے حریف کے خلاف پرفارم کرنا پڑتاہے۔
