قومی کرکٹ ٹیم کے کپتان بابر اعظم نے ایک اوراعزاز اپنے نام کرتے ہوئے آئی سی سی ون ڈے کرکٹر آف دی ایئر کا ایوارڈ بھی جیت لیا۔
ایوارڈ کیلئے شکیب الحسن، جنیمن مالان اور پال اسٹرلنگ بھی نامزد ہوئے تھے،تاہم ایوارڈ کا حقدارگزشتہ سال کی شاندار کارکردگی کی بدولت بابر اعظم قرار پائے۔
بابر اعظم نے گزشتہ سال 6 میچز میں 67.50کی اوسط سے405 رنز بنائے، دو سنچریز بھی شامل تھیں۔
واضح رہے کہ اس سے قبل محمد رضوان آئی سی سی ٹی ٹوئنٹی پلیئر آف دی ایئر قرار پائے تھے، فاطمہ ثناء خواتین میں ایمرجنگ کرکٹر کے ایوارڈ کی حقدار قرار پائی تھیں۔
