آئی سی سی ورلڈکپ كے ورم اپ میچ میں نیوزی لینڈ كے خلاف پاكستانی كی پہلی وكٹ گر گئی، امام الحق ایك رن بنا كر میٹ ہنری كا شكار بنے۔
پاکستان نے اپنے پہلے وارم اپ میچ میں نیوزی لینڈ کے خلاف ٹاس جیت کر پہلے بیٹنگ کا فیصلہ کیا تھا۔
ابتدائی اوورز میں ہی امام الحق صرف ایك بنا كر آؤٹ ہوگئے، اس وقت پاكستان نے 5 اوورز پر ایك وكٹ كے نقصان پر 18 رنز بنائے تھے، اُس وقت بابر اعظم اور عبداللہ شفیق كریز پر موجود تھے۔
بھارت كے شہر حیدرآباد كے راجیو گاندھی انٹرنیشنل کرکٹ اسٹیڈیم میں پاكستان اور نیوزی لینڈ اپنا پہلا وارم میچ كھیل رہی ہے۔
قومی ٹیم کے کپتان بابراعظم نے ٹاس جیت كر پہلے بیٹنگ کا فیصلہ کیا جبكہ نیوزی لینڈ كو بائولنگ كی دعوت دی ہے۔
بھارت كے شہر حیدرآباد میں كھیلے جارہے ورلڈ کپ وارم اپ میچ سیکیورٹی وجوہات کے باعث تماشائیوں کے بغیر کھیلا جارہا ہے۔
ان خدشات کو مدنظر رکھتے ہوئے پولیس کی بھاری تعداد کو ہر میچ کے دوران تعینات کیا جائے گا جبکہ پاکستان ٹیم کے ہوٹل میں بھی سیکیورٹی کے انتہائی سخت انتظامات کئے جائیں گے۔
گزشتہ روز ورلڈ کپ میں شرکت کے لیے پاكستان كركٹ ٹیم كے كھلاڑی 7 سال بعد بھارت پہنچے تھے۔
یہ پاکستان کی ٹیم کا 7 سال بعد بھارت کا پہلا دورہ ہے جہاں وہ اس سے قبل 2016 کا ٹی20 ورلڈ کپ کھیلنے کے لیے بھارت گئی تھی۔
واضح رہے کہ بھارت روانگی سے قبل قومی ٹیم کے ویزے آنے میں تاخیر ہو گئی تھی جس کی وجہ سے چند دن کے لیے قومی ٹیم کی روانگی مؤخر ہو گئی تھی۔
ورلڈ کپ میں پاکستان اپنا پہلا میچ 6 اکتوبر کو نیدرلینڈز کے خلاف حیدر آباد میں کھیلے گی، قومی ٹیم کا دوسرا میچ 10 اکتوبر کو حیدرآباد میں ہی سری لنکا سے ہوگا۔
روایتی حریف پاکستان اور میزبان بھارت کرکٹ کے دنیا کے سب سے بڑے میدان احمد آباد میں 14 اکتوبر کو مدمقابل ہوں گے۔
اسكواڈ كی اگر بات كی جائے تو قومی ٹیم كے اسكواڈ میں یہ كھلاڑی شامل ہیں:
پاکستان اسکواڈ: امام الحق، فخر زمان، بابر اعظم، محمد رضوان، سمن آغا، افتخار احمد، شاداب خان، شاہین آفریدی، حارث رؤف، محمد نواز، حسن علی
دوسری جانب نیوزی لینڈ ٹیم کی قیادت ٹام لیتھم کررہے ہیں،
نیوزی لینڈ اسکواڈ: ڈیون کونوے، ٹام لیتھم، کین ولیمسن، ڈیرل مچل، گلین فلپس، میٹ ہنری، مچ سینٹنر، ایش سودھی، ٹرینٹ بولٹ، لوکی فرگوسن، ٹم ساؤتھی
