انگلینڈ کے سابق کرکٹر ناصر حسین نے ون ڈے ورلڈ کپ 2023 سے قبل پاکستان کے غیر متوقع کرکٹ اسٹائل پر اپنے خیالات کا اظہار کرتے ہوئے کہا ہے کہ پاکستان ہالینڈ سے ہار سکتا ہے۔
ایک یوٹیوب چینل پر گفتگو کرتے ہوئے ناصر نے خاص طور پر آئندہ ٹورنامنٹ میں ہالینڈ کے خلاف پاکستان کے پہلے میچ پر روشنی ڈالی۔
انہوں نے کہا کہ پاکستان کو یورپی ٹیم کے خلاف ممکنہ شکست کا سامنا کرنا پڑ سکتا ہے۔
ناصر حسین نے کہا کہ مجھے لگتا ہے کہ پاکستان ٹورنامنٹ کی بہت اچھی ٹیم ہے لیکن اسے نیدرلینڈز سے شکست ہو سکتی ہے۔
ان کا کہنا تھا کہ جس طرح کی کرکٹ پاکستانی ٹیم کھیلتی وہ دیکھنے کے قابل ہے، ٹی ٹوئنٹی ورلڈکپ کو ہی دیکھ لیں جس میں پاکستان قریباً باہر ہو گیا پھر ایک موقع ملتے ہی وہ فائنل میں پہنچ گیا۔
انہوں نے اس بات پر زور دیا کہ اگر پاکستان ورلڈ کپ میں کسی بھی حریف کے خلاف برابر کا اسکور حاصل کرتا ہے تو اس کا اندازہ لگائیں کہ وہ کتنی مضبوط ٹیم ہے۔
