متحدہ قومی موومنٹ پاکستان (ایم کیو ایم) نے پنجاب میں انتخابات کی تیاریوں کا آغاز کردیا۔
ایم کیو ایم نے پنجاب میں قومی و صوبائی اسمبلیوں کی نشستوں پر پارٹی ٹکٹ دینے کے لیے زاہد ملک کی سربراہی میں 8 رکنی پارلیمانی بورڈ بھی تشکیل دے دیا ہے۔
پارلیمانی بورڈ ممبران میں عابد گجر، شاہین انور گیلانی، متین خان، ایازعلی شیخ سمیت اظہار قریشی، آغا جانی اور کرامت علی شیخ شامل ہیں۔
متحدہ قومی موومنٹ پاکستان کا 8 رکنی پارلیمانی بورڈ صوبہ پنجاب سے قومی و صوبائی اسمبلیوں کے امیدواروں کا انتخاب کرے گا۔
