کراچی: پاکستان کی نامور ماڈل اور ہوسٹ متھیرا نے کہا ہے کہ ہمارے معاشے میں سنگل مدرز کو ’غنڈی‘ اور ’بدتمیز‘ کے لقب ملتے ہیں۔
ایک نجی ٹی وی کے پروگرام میں گفتگو کرتے ہوئے ماڈل کا کہنا تھا کہ طلاق کے بعد والدین بچوں کی اچھی تربیت کرسکتے ہیں لیکن ایسا نہیں ہوتا ہے۔
انہوں نے کہا کہ طلاق کے بعد میاں بیوی کا تعلق بالکل ختم ہوجاتا ہے اور بچوں کی ساری ذمہ داری کسی ایک کے سر پر آجاتی ہے۔
متھیرا نے بتایا بطور سنگل مدر انہوں نے بہت زیادہ جدوجہد کی ہے اور پرورش کے اخراجات پورے کرنے کیلئے انہیں بہت ساری ملازمتیں کرنی پڑیں۔
اداکارہ نے یہ انکشاف بھی کیا کہ وہ تیسرے بچے کی پیدائش کے بعد ڈپریشن میں چلی گئی تھیں اور یہ اکثر خواتین کے ساتھ ہوتا ہے لیکن اسے سنجیدہ نہیں لیا جاتا۔
