اسلام آباد کے تھانہ شہزاد ٹاؤن کی حدود میں مبینہ پولیس مقابلہ ہوا، جہاں پولیس وین پر ڈاکوؤں کی فائرنگ سے پولیس کسٹڈی میں موجود 2 ڈاکو ہلاک ہوگئے۔
پولیس کے مطابق پولیس وین پر ڈاکوؤں کی فائرنگ سے ہلاک ہونے والے دونوں ڈاکو بینک کی کیش وین کو لوٹنے اور سیکیورٹی گارڈ کو قتل کرنے کی واردات میں ملوث تھے۔
گرفتار ملزمان کی نشان دہی پر ان کے دیگر ساتھیوں کی گرفتاری کے لیے چھاپہ مارا گیا جبکہ ملزمان کے ساتھیوں کی فائرنگ سے ان کے اپنے زیر حراست ساتھی ہلاک ہوگئے۔
