چیف جسٹس نے جلد انصاف کی فراہمی کیلئے اصلاحاتی منصوبہ تیار کرنے کا فیصلہ کیا ہے۔
سپریم کورٹ کی جانب سے جاری اعلامیہ کےمطابق چیف جسٹس نے جلد انصاف کی فراہمی کیلئے اصلاحاتی منصوبے کی تیاری شروع کر دی ،اہم اور پسماندہ طبقات کے مقدمات ترجیحی بنیاد پر نمٹائے جائیں گے۔
مختلف شعبوں کے ماہرین پر مشتمل ٹیم نے دستیاب وسائل کا جائزہ لیا،اصلاحاتی اقدامات سے مقدمات کا بوجھ کم اور بہتر انصاف کی فراہمی ہوگی۔
سپریم کورٹ میں اصلاحاتی منصوبے پر تمام فریقین کو اعتماد میں لیا جائے گا،عدالتی عملہ اور وکلا کو بھی مشاورت میں شامل کیا جائے گا۔
قابل عمل منصوبے کے مسودے کو عوامی بحث کے بعد حتمی شکل دی جائے گی۔
