سپریم کورٹ میں سویلینز کے ملٹری ٹرائل کیخلاف انٹرا کورٹ اپیل پر سماعت شروع ہو گئی۔
جسٹس امین الدین خان کی سربراہی میں سات رکنی آئینی بنچ کیس کی سماعت کر رہا ہے، جسٹس جمال مندوخیل، جسٹس محمد علی مظہر ، جسٹس حسن اظہر رضوی ، جسٹس مسرت ہلالی ،جسٹس نعیم اختر افغان اور جسٹس شاہد بلال حسن بنچ کا حصہ ہیں۔
بانی پی ٹی آئی کے وکیل عزیر بھنڈاری اپنے دلائل جاری رکھیں گے ، گزشتہ روز بیرسٹر اعتزاز احسن کے وکیل لطیف کھوسہ نے دلائل مکمل کیے ، اس سے قبل فوجی عدالت سے سزا یافتہ مجرم ارزم جنید کے وکیل سلمان اکرم راجہ اوروزارت دفاع کے وکیل خواجہ حارث دلائل مکمل کر چکے ہیں۔
اسی کیس میں ایک اور درخواست گزار سابق چیف جسٹس جواد ایس خواجہ کے وکیل خواجہ احمد حسین بھی دلائل مکمل کر چکےہیں جبکہ وفاق، پنجاب، بلوچستان، وزارت داخلہ، وزارت قانون اور شہداء فاؤنڈیشن نے خواجہ حارث کے دلائل اپنا لئے ہیں۔
