بین الاقوامی ریٹنگ ایجنسی موڈیز نے پاکستانی بینکوں کا منظرنامہ مستحکم سے مثبت کردیا۔ موڈیز کے مطابق، مثبت منظرنامہ بینکوں کی لچکدار مالی کارکردگی کی وجہ سے کیا گیا ہے، جو ایک سال قبل کے مقابلے میں بہتر معاشی حالات کا اظہار ہے۔
ریٹنگ ایجنسی نے کہا کہ سال 2025 میں پاکستان کی معاشی نمو 3 فیصد تک رہنے کی توقع ہے، جو سال 2024 میں 2.5 فیصد تھی۔ اس حوالے سے وزیراعظم شہباز شریف کے کوآرڈینیٹر رانا احسان افضال خان نے سوشل میڈیا پر بیان جاری کرتے ہوئے کہا کہ ایک سال میں یہ شاندار کارکردگی وزیراعظم اور ان کی معاشی ٹیم کی انتھک محنت کا نتیجہ ہے، جس کے باعث ملک غیر یقینی صورتحال سے نکل کر استحکام کی طرف آیا ہے۔
