آئی ایس پی آر کے مطابق آرمی چیف جنرل عاصم منیر سے کمانڈر بحرین نیشنل گارڈ شیخ محمد بن عیسیٰ بن سلمان الخلیفہ نے ملاقات کی ہے، ملاقات میں دوطرفہ فوجی تعلقات پر تبادلہ خیال کیا گیا۔
پاک فوج کے شعبہ برائے تعلقات عامہ (آئی ایس پی آر) کی جانب سے جاری بیان میں کہا گیا کہ آرمی چیف جنرل عاصم منیر سے بحرین نیشنل گارڈ کے کمانڈرشیخ محمد بن عیسیٰ بن سلمان الخلیفہ نے ملاقات کی۔ جس میں باہمی دلچسپی، خطے کی سیکیورٹی اور دوطرفہ فوجی تعلقات کو مزید مستحکم کرنے پر تبادلہ خیال کیا گیا۔
آئی ایس پی آر کے مطابق ملاقات میں سیکیورٹی چیلنجز سے نمٹنے اور امن و استحکام کے فروغ کی اہمیت پر بھی زور دیا گیا۔
آئی ایس پی آر کا کہنا ہے کہ کمانڈر بحرین شیخ محمد بن عیسیٰ بن سلمان الخلیفہ نے پاکستان کی مسلح افواج کی پیشہ ورانہ مہارت کو سراہا اور دہشت گردی کے خلاف جنگ میں پاکستان کی کوششوں کی تعریف کی۔
آئی ایس پی آر کے مطابق کمانڈر بحرین نے ملاقات کے دوران کہا کہ پاک افواج کا کردار عالمی سطح پر امن قائم رکھنے میں اہمیت رکھتا ہے اور بحرین ان کی کوششوں کو قدر کی نگاہ سے دیکھتا ہے۔
