یوم پاکستان پریڈ محدود پیمانے پر روایتی جوش و جذبے سے منائی جائے گی، یوم پاکستان پریڈ ایوان صدر کے احاطے میں منعقد کی جائے گی، پریڈ میں تینوں مسلح افواج کے دستے بھرپور شرکت کرینگے۔
ذرائع کا کہنا ہے کہ 23 مارچ کو یوم پاکستان پریڈ محدود پیمانے پر روایتی جوش و جذبہ کے ساتھ منعقد کی جائے گی، یوم پاکستان پریڈ کو محدود پیمانے پرمنعقد کرنے کا فیصلہ رمضان کے باعث کیا گیا ہے۔
ذرائع کے مطابق پریڈ میں بدستور تینوں مسلح افواج کے دستے بھرپور شرکت کرینگے، یوم پاکستان پریڈ ایوان صدر کے احاطے میں منعقد کی جائے گی۔
ذرائع نے یہ بھی بتایا کہ صدر آصف علی زرداری یوم پاکستان کی تقریب کے مہمان خصوصی ہوں گے، پریڈ میں مسلح افواج کے دستے مہمان خصوصی کو سلامی پیش کریں گے۔
ذرائع کا کہنا ہے کہ پاک فضائیہ کے لڑاکا طیارے بھی ایوان صدر کے سامنے فلائی پاسٹ کریں گے، پریڈ میں پاکستان آرمی کا مایہ ناز پائپ اینڈ پرکشن بینڈ اپنے فن کا بھی مظاہرہ کرے گا،
ذرائع نے مزید بتایا کہ تقریب میں غیرملکی سفیروں اور دیگر اہم شخصیات کو بھی مدعو کیا گیا ہے
