عالمی منڈی میں خام تیل کی قیمتوں میں اضافہ دیکھنے میں آیا ہے۔ برینٹ کروڈ فیوچر کی قیمت میں 43 سینٹ (0.6%) کا اضافہ ہوا، جس کے بعد یہ 71.21 ڈالر فی بیرل پر پہنچ گئی، جو 3 مارچ کے بعد بلند ترین سطح ہے۔
اسی طرح، یو ایس ویسٹ ٹیکساس انٹرمیڈیٹ (WTI) کروڈ 38 سینٹ (0.6%) اضافے کے بعد 67.54 ڈالر فی بیرل پر ٹریڈ ہو رہا ہے۔
ماہرین کا کہنا ہے کہ گزشتہ ہفتے ڈیزل اور ہیٹنگ آئل سمیت ڈسٹلیٹ ذخائر میں غیر متوقع کمی کے باعث خام تیل کی قیمت میں اضافہ ہوا ہے۔
