لاہور: وزیر اطلاعات پنجاب عظمیٰ بخاری کا کہنا ہے کہ پاکستان عالمی اسلام میں ایک منفرد مقام رکھتا ہے اور ملک کو ترقی کی راہ پر گامزن کرنے کے لیے مسلم لیگ ن اپنا بھرپور کردار ادا کر رہی ہے۔
میڈیا سے گفتگو کرتے ہوئے انہوں نے کہا کہ یوم پاکستان ایک نئی سوچ، نئے حوصلے اور نئے جذبے کی علامت ہے، جو ہمیں ایک عظیم قوم بننے کی یاد دلاتا ہے۔
عظمیٰ بخاری نے کہا کہ پاکستان آج نواز شریف کی قیادت میں ترقی کی منازل طے کر رہا ہے اور اسلامی دنیا کی واحد ایٹمی قوت کے طور پر ایک مضبوط پہچان رکھتا ہے۔
انہوں نے مزید کہا کہ ملکی دفاع میں افواج پاکستان کی قربانیاں ناقابل فراموش ہیں، اور ہم تمام سازشوں کو ناکام بنا کر خوشحالی کی جانب سفر جاری رکھیں گے۔
