اسلام آباد ہائی کورٹ میں سینیٹر اعجاز چوہدری کے پروڈکشن آرڈر جاری کرنے کی درخواست پر سماعت ہوئی، جسے عید کے بعد تک ملتوی کر دیا گیا۔
قائم مقام چیف جسٹس سرفراز ڈوگر نے کیس کی سماعت کے دوران وکیل بابر اعوان سے سینیٹ اجلاس کی آئندہ تاریخ پوچھی۔ بابر اعوان نے بتایا کہ کچھ جوابات تو موصول ہو چکے ہیں، لیکن جیل سپرنٹنڈنٹ اور آئی جی جیل خانہ جات کی طرف سے ابھی تک کوئی جواب نہیں آیا۔
عدالت نے پوچھا کہ کیا سینیٹ کا اجلاس جاری ہے؟ بابر اعوان نے جواب دیا کہ سینیٹ کا اجلاس تو نہیں ہو رہا، لیکن قائمہ کمیٹی کا اجلاس چل رہا ہے، جس نے اعجاز چوہدری کی پیشی کا مطالبہ کیا ہے۔
عدالت نے سماعت 8 اپریل تک ملتوی کرتے ہوئے ہدایت کی کہ سینیٹ اجلاس کی آئندہ تاریخ معلوم کی جائے۔
