راولپنڈی کی مقامہ عدالت نے توہین رسالت ﷺ اور توہین قرآن پاک کے کیس میں ایک اہم فیصلہ سناتے ہوئے پانچ مجرمان کو پھانسی، عمر قید، اور 80 سال قید کی سخت سزائیں سنائیں۔
رپورٹ کے مطابق، عدالت نے یہ بھی کہا کہ ان پانچوں مجرمان کو مجموعی طور پر 65 لاکھ روپے جرمانہ بھی ادا کرنا ہوگا۔ مجرمان میں محمد ارسلان، علی عباس، فیصل ریحان، خرم افضال، اور زنیر سکندر شامل ہیں۔
یہ مقدمہ ایف آئی اے سائبر کرائم کی جانب سے درج کیا گیا تھا، اور ایڈیشنل ڈسٹرکٹ اینڈ سیشن جج طارق ایوب نے فیصلہ سنایا۔
فیصلے کے بعد، پانچوں مجرمان کو اڈیالہ جیل منتقل کر دیا گیا۔ عدالت نے واضح کیا کہ مجرمان نے ایک سنگین جرم کیا ہے اور وہ کسی رعایت کے مستحق نہیں ہیں۔ انہیں اس وقت تک پھانسی پر لٹکائے رکھا جائے گا جب تک کہ ان کی موت واقع نہ ہو جائے۔
فیصلے کے وقت سخت سیکیورٹی کے انتظامات کیے گئے تھے، اور بڑی تعداد میں وکلا اور شہری بھی موجود تھے۔
