لاہور ہائی کورٹ میں جناح ہاؤس حملے کے حوالے سے 9 مئی کے 8 مقدمات میں بانی پی ٹی آئی عمران خان کی ضمانت کی درخواست پر سماعت ہوئی۔
عمران خان نے یہ موقف اختیار کیا کہ 9 مئی 2023 کو وہ اسلام آباد میں نیب کی تحویل میں تھے اور ان کے خلاف سیاسی انتقام کے تحت مقدمات قائم کیے گئے۔
ان کے وکیل سلمان صفدر نے عدالت کو بتایا کہ ان کے دلائل مکمل ہو چکے ہیں، جبکہ سرکاری وکیل نے کہا کہ ان مقدمات کا ریکارڈ سپریم کورٹ میں موجود ہے۔
عدالت نے درخواست پر سماعت 17 اپریل تک ملتوی کر دی اور استدعا کی گئی کہ 8 مقدمات میں ضمانت منظور کر کے رہائی کا حکم دیا جائے۔
