امریکی اخبار کی تحقیقات میں تصدیق ہوئی ہے کہ پاکستان میں ہونے والے دہشت گرد حملوں میں افغانستان کو دیا گیا امریکی اسلحہ استعمال ہوا۔
واشنگٹن پوسٹ کے مطابق 2018 میں امریکا میں تیار کی گئی M4A1 رائفل بلوچستان ٹرین حملے کے بعد حملہ آوروں کے پاس سے برآمد ہوئی۔
یہ اسلحہ امریکی فوجی ساز و سامان کا حصہ تھا، جو 2021 میں امریکی انخلا کے وقت افغان فورسز کو دیا گیا تھا، اور بعد میں عسکریت پسندوں کے ہاتھوں تک پہنچا۔
پاکستانی حکام نے امریکی اخبار کو دہشت گردوں سے برآمد کیے گئے اسلحے تک رسائی دی، جس میں ایم 16 رائفلز، مشین گنز اور نائٹ وژن ڈیوائسز شامل تھیں۔
