پشاور۔خیبرپختونخوا حکومت نے سمارٹ لاک ڈاؤن میں مزید نرمی کرتے ہوئے دیگر سرکاری محکموں کے علاوہ صوبائی محکمہ داخلہ کے آرمزسیکشن کے دفاتر کو بھی کھولنے کا فیصلہ کیا ہے ا س سلسلے میں ہوم ڈیپارٹمنٹ کی جانب سے جاری ہونیوالے آفس آرڈر کے مطابق سمارٹ لاک ڈاون میں ہوم ڈیپارٹمنٹ میں آ رمزسیکشن کے دفاتر کو کھولنے کے علاوہ تمام اضلاع کے ڈپٹی کمشنرز کو دفاتر میں اسلحہ سیکشن کھولنے کے لئے مراسلہ ارسال کیاگیا ہے آ فس آرڈر کے مطابق پرائیویٹ سیکیورٹی کمپنیز کے حوالے سے بھی سروسز فراہم کی جائیں گی، ٹرانسپورٹیشن،اور ڈیلر شپس لائسنسز بھی جاری کرنے کی سروس فراہم کی جائے گی۔
