دوسری شادی اجازت نہیں عدل کیساتھ مشروط ہے، چیئرمین اسلامی نظریاتی کونسل

دوسری شادی اجازت نہیں عدل کیساتھ مشروط ہے، چیئرمین اسلامی نظریاتی کونسل

 اسلام آباد۔چیئرمین اسلامی نظریاتی کونسل قبلہ ایاز نے کہا ہے کہ دوسری شادی اجازت نہیں عدل کے ساتھ مشروط ہے۔

جمعرات کو نجی ٹی وی سے گفتگو کرتے ہوئے ان کا کہنا تھا کہ شریعت میں دوسری شادی سے متعلق عدل کی بات کی گئی ہے اجازت کی نہیں۔

 دوسری شادی کی اجازت کا معاملہ بارہا اسلامی نظریاتی کونسل میں آیا ہے، 2013 میں دوسری شادی  سے متعلق خواتین کی طرف سے سخت ردعمل آیا۔

قبلہ ایاز نے کہا کہ بعض معاملات قانون کے ذریعے درست نہیں ہوسکتے، ثالثی کی ضرورت ہوتی ہے، حق مہر کی ادائیگی پر قانون  اور شریعت دونوں راستے موجود ہیں۔

ان کا کہنا تھا کہ عائلی نظام میں تربیت کا بڑا عمل دخل ہوتا ہے، دوسری شادی کے لیے قانون ثالثی کونسل جاکر اہلیہ سے اجازت  لینے کا مجاذ ہوگا۔