پشاور۔خیبرپختونخوا کے صوبائی دارالحکومت پشاور میں ظالم سوتیلی ماں نے 5 سالہ بچے کا گلہ گھونٹ کر قتل کر دیا اور لاش نالے میں پھینک دی۔
پشاور کے علاقے اچینی میں گھریلو ناچاقی پر سوتیلی ماں نے اپنے شوہر کی پہلی بیوی کے 5 سالہ بیٹے نعمان کا گلہ گھونٹ کر قتل کردیا اور لاش کو نالے میں پھینک دی تاکہ بچے کے موت کی وجہ نالے میں گرنا ثابت ہوجائے۔
پولیس نے تفتیش کے دوران حقائق سامنے آنے پر سوتیلی ماں کو گرفتار کرلیا جس نے اعتراف جرم کرتے ہوئے بتایا کہ گھریلو ناچاقی کی وجہ سے سوتیلے بیٹے کو قتل کیا۔
ملزمہ کے شوہر قاری ندیم نے دو شادیاں کی تھیں اور ملزمہ دوسری بیوی تھی۔
