باجوڑ، سرحد پار سے پاک فوج پر فائرنگ، ایک حوالدار شہید، دوسرا زخمی

راولپنڈی۔صوبہ خیبرپختونخوا کے ضلع باجوڑ میں پاک افغان سرحد پر سکیورٹی فورسز کی چیک پوسٹ پر سرحد پار سے دہشت گردوں کی فائرنگ کے نتیجے میں پاک فوج کا ایک جوان شہید جبکہ دوسرا زخمی ہوگیا۔

پاک فوج کے شعبہ تعلقات عامہ(آئی ایس پی آر)کے ڈائریکٹر جنرل میجر جنرل بابر افتخار کے ٹوئٹر پیغام کے مطابق باجوڑ میں سکیورٹی فورسز کی سرحدی چوکی پر فائرنگ کی گئی، جس کے نتیجے میں حوالدار تنویر نے جام شہادت نوش کیا۔

ٹوئٹر پیغام میں بتایا گیا کہ سرحد پار سے ہونے والی فائرنگ کے نتیجے میں ایک جوان زخمی بھی ہوا۔