کورونا کی نئی قسم سامنے آنے کے بعد دیگر ممالک کی طرح حکومت پاکستان نے بھی برطانیہ سے آنے والوں پر سفری پابندی لگا دی۔
پابندی سے متعلق جاری نوٹیفکیشن میں کہا گیا ہے کہ برطانیہ سے آنے والوں کیلئے سفری پابندی ایک ہفتےکیلئےہوگی۔
برطانیہ سے آنےوالوں پر سفری پابندی کا اطلاق آج رات سے ہوگا تاہم ٹرانزٹ پروازوں سے آنےوالوں پر پابندی کا اطلاق نہیں ہوگا۔
برطانیہ سے آنے والوں پر پابندی کوروناکی نئی قسم کی وجہ سےلگائی گئی ہے۔ پاکستانی پاسپورٹ پر برطانیہ جانے والے شہریوں کیلئےوطن واپسی پر شرائط لاگو ہوں گی۔
پاکستان واپس آنےوالوں کیلئےفلائٹ سے72گھنٹے پہلے پی سی آر نیگیٹو ٹیسٹ لازمی قرار دیا گیا ہے جب کہ برطانیہ سے آنے والے پاکستانیوں کیلئےایک ہفتے کاقرنطینہ لازمی ہوگا۔
سول ایوی ایشن کو پابندی کےفیصلے پر عملدرآمد کی ہدایت جاری کردی گئی ہے اور تاکید کی گئی ہے کہ ایک ہفتے کے دوران برطانیہ سے آنے والے تمام افراد کا کورونا ٹیسٹ کرایاجائے۔
