کراچی:معروف عالم دین مولانا طارق جمیل کا کہنا ہے کہ وہ کاروبار آخرت کیلئے کررہے ہیں۔
مولانا طارق جمیل کے برانڈ ایم ٹی جے کو کراچی کے بعد لاہور میں لانچ کرایا گیا ہے جس کے آؤٹ لیٹ سٹور کا افتتاح مولانا طارق جمیل نے خود کیا۔
سوشل میڈیا پر وائرل ویڈیوز میں مولانا طارق جمیل کو ربن کاٹتے دیکھا جاسکتا ہے اور اس دوران مولانا کے ہمراہ گلوکار امانت علی کو بھی سفید کپڑوں میں ملبوس دیکھا جاسکتا ہے۔
اس موقع پر میڈیا سے گفتگو کرتے ہوئے مولانا طارق جمیل کا کہنا تھا کہ میرا اس برانڈ اس عمر میں کھولنے کا ارادہ کوئی کمائی نہیں ہے اللہ نے مجھے اپنے فضل وکرم سے بے حد نوازا ہے۔
،دو مرتبہ پوری دنیا گھوم چکا ہوں لیکن میں یہ کاروبار آخرت کے لیے کررہا ہوں۔
