جنوبی افریقا کے وکٹ کیپر کوئنٹن ڈی کوک نے بورڈ کی سرزنش کے بعد بالآخر گراؤنڈ میں گھٹنے ٹیک دیے۔
انٹرنیشنل کرکٹ کونسل (آئی سی سی) کی جانب سے سوشل میڈیا پر ویڈیو جاری کی گئی ہے جس میں جنوبی افریقا کے وکٹ کیپر بلے باز کوئنٹن ڈی کوک نسل پرستی کے خلاف علامتی احتجاج کے طور پر گراؤنڈ میں گھٹنے ٹیکے ہوئے ہیں۔
شارجہ میں جاری سری لنکا سے ہونے والے ٹی ٹوئنٹی ورلڈ کپ کے میچ سے قبل دیگر جنوبی افریقی کھلاڑیوں کو بھی گراؤنڈ پر گھٹنے ٹیکے دیکھا جاسکتا ہے۔
خیال رہے کہ اس سے قبل ویسٹ انڈیز کے خلاف اہم میچ سے قبل کوئنٹن ڈی کوک نے گھٹنے پر بیٹھ کر نسلی تعصب کیخلاف احتجاج یا ’بلیک لائیوز میٹر‘ کے حوالے سے یکجہتی کے اظہار سے انکار کر دیا تھا اور بورڈ کی ہدایت ماننے کے بجائے میچ سے ہی دستبردار ہوگئے تھے۔
کرکٹ جنوبی افریقا نے اپنے کھلاڑیوں کو یہ ہدایت جاری کی تھی کہ میچ کے آغاز سے پہلے گھٹنے پر بیٹھ کر سیاہ فام افراد سے برتے جانے والے تعصب کیخلاف احتجاج ریکارڈ کرائیں۔
کرکٹ جنوبی افریقا کا کہنا تھا کہ جنوبی افریقا کی تاریخ کو دیکھتے ہوئے ٹیم کے لیے یہ ضروری ہے کہ وہ نسل پرستی کے خلاف متحد اور مستقل مؤقف اختیار کرے۔
بعد ازاں ڈی کوک نے اپنے رویے پر معافی مانگ لی تھی، اپنے بیان میں ڈی کوک کا کہنا تھا کہ میں اپنی ٹیم کے ساتھیوں اور مداحوں سے معافی چاہتا ہوں، اگر میرے گُھٹنے ٹیکنے سے دوسروں کو تعلیم دینے میں مدد ملتی ہے اور دوسروں کی زندگیوں میں بہتری آتی ہے تو میں ایسا کرنے میں خوشی محسوس کروں گا۔
کیخلاف احتجاج کے لیے یہ طریقہ اپنایا جارہا ہے۔
