اسٹیٹ بینک آف پاکستان (ایس بی پی) نے زرمبادلہ کے ذخائر کی ہفتہ وار رپورٹ جاری کردی جس کے مطابق ایک ہفتے میں 84 کروڑ 37 لاکھ ڈالرز ذخائر مزید کم ہوگئے۔
اسٹیٹ بینک آف پاکستان کی جانب سے جاری ہونے والی رپورٹ میں 18 مارچ 2022 تک کے اعداد و شمار شامل کیے گئے ہیں، جس میں بتایا گیا ہے کہ زرمبادلہ کے مجموعی ذخائر 84کروڑ37لاکھ ڈالرز کی کمی سے 21ارب 43کروڑ97لاکھ ڈالرز کی سطح پر پہنچ گئے۔
سرکاری ذخائر کی مالیت 14ارب 96کروڑ24لاکھ ڈالرز ریکارڈ کی گئی جبکہ اس دورانیے میں کمرشل بینکوں کے ذخائر میں 2کروڑ55لاکھ ڈالر کا اضافہ ہوا۔ کمرشل بینکوں کے ذخائر 6ارب 47کروڑ73لاکھ ڈالر کی سطح پر آگئے۔
