اسٹیٹ بینک آف پاکستان نے سوشل میڈیا پر زیر گردش 75 روپے مالیت کے ’یادگاری نوٹ‘ سے متعلق وضاحت جاری کردی۔
اپنے بیان میں اسٹیٹ بینک کا کہنا ہے کہ سوشل میڈیا پر ایک ’یاد گاری کرنسی نوٹ‘ گردش کر رہا ہے جس کے حوالے سے کہا جارہا ہے کہ یہ پاکستان کے 75 ویں یوم آزادی کے موقع پر جاری کیا جائے گا۔
اسٹیٹ بینک نے واضح کیا کہ سوشل میڈیا پر گردش کرنے والا یہ کرنسی نوٹ جعلی ہے اور اسٹیٹ بینک ایسا کوئی نوٹ جاری نہیں کر رہا۔
